АСТАНА. 4-желтоқсан. "Орталық Азиядағы отбасылар мен балаларды әлеуметтік және құқықтық қорғау жүйесі" тақырыбы аясында балалар құқын қорғау жөніндегі Орталық Азия елдерінің бірінші форумы 6-7-желтоқсанда Астанада өтеді.
Бұл туралы ҚР сыртқы істер министрлігінің ресми өкілі Ержан Ашықбаев баспасөз мәслихатында құлағдар етті, деп хабарлайды Kazakhstan Today тілшісі.
Аталған шараға Қазақстан, Өзбекстан, Қырғызстан, Тәжікстан және Түрікменстан, сондай-ақ, халықаралық және үкіметтік емес ұйымдардың өкілдері қатысады. "Форумның мақсаты - балалар құқығын қорғау мәселелері бойынша елдер арасында үнқатысуға негіз қалау, БҰҰ-ның Балалар құқығы туралы конвенциясын жүзеге асыруға бағытталған шараларды қабылдау",- деді Е.Ашықбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Балалар құқығын қорғау жөніндегі Орталық Азия елдерінің бірінші форумы Астанада өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.