Басты айыптаушы Мүбаракты өлім жазасына кесуді талап етуде
Мысыр елінің Бас прокуратурасы елдің бұрынғы президенті Хосни Мүбаракты дарға асу арқылы өлім жазасына кесуді талап етті. Дәл осындай жазалауды ІІМ-нің бұрынғы басшысы Хабиб аль-Адлиге және оның бірқатар орынбасарларына қолдануды талап етіліп отыр, деп хабарлайды РБК.
Астана. 6-қаңтар. Kazakhstan Today - Басты айыптаушы Мүбаракты өлім жазасына кесуді талап етуде, деп хабарлайды Kazakhstan Today агенттігінің тілшісі.
Мысыр елінің Бас прокуратурасы елдің бұрынғы президенті Хосни Мүбаракты дарға асу арқылы өлім жазасына кесуді талап етті. Дәл осындай жазалауды ІІМ-нің бұрынғы басшысы Хабиб аль-Адлиге және оның бірқатар орынбасарларына қолдануды талап етіліп отыр, деп хабарлайды РБК.
Прокурор Мұстафа Сүлейманның келтірген айыптау нұсқасы бойынша, Х.Мүбарак және оның үкіметінің шенеуніктері соғыс оқтарын қолдануға және бейбіт түрде наразылық білдірген азаматтарды атуға рұқсат берген.
Айыптау тарабының пікірінше, елдің билігі шерушілерге 2011 жылдың 27 қаңтарында оқ атуға рұқсат берген, бұл "Қаһар күні" - 18 күндік көтерілістің ең көп қан төгілген күні болды. Бұл әрекет Х.Мүбаракты қызметінен кетуге мәжбүрледі.
Өз сөзіне айыптаушы айғақ дәлелдер ретінде құқық тәртібі күштерінің шерушілерге жасаған қиянатты істерін көрсететін негізінен жаңалықтық телебағдарламалар жазбаларын қосты.
Х.Мүбарак Мысыр еліне 1981 жылдан бастап басшылық етті. Ол қызметін 2011 жылдың ақпан айында болған бұқаралық қарсы шығу акцияларынан кейін қызметінен кетті. Оларды өткізу кезінде шеруге шығушылар мен құқық тәртібі қызметкерлерінің соқтығысуы салдарынан 850-ге жуық адам қаза тапты.
Мысыр елінің бұрынғы президентіне қатысты сот процесі 2011 жылғы желтоқсанның аяғында, екі айлық үзілістен кейін қайта басталды. Х.Мүбарак сыбпайлас жемқорлық пен шерушілерді өлтіруге қатыстылығы бойынша айыпталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.