Беларусь Республикасының Брест қаласында ҰҚШҰ Қауіпсіздік кеңесі хатшылары комитетінің кезекті отырысы өтеді
Беларусь Республикасының Брест қаласында ҰҚШҰ Қауіпсіздік кеңесі хатшылары комитетінің кезекті отырысы өтеді
Астана. 28 қыркүйек. Kazakhstan Today - Беларусь Республикасының Брест қаласында 30 қыркүйекте өтетін Ұжымдық қауіпсіздік шарты ұйымының Қауіпсіздік кеңесі хатшылары комитетінің кезекті отырысына Қазақстан Республикасы Қауіпсіздік кеңесі хатшысының орынбасары - Қауіпсіздік Кеңесі хатшылығының меңгерушісі Қозы - Көрпеш Жаңбыршин бастаған қазақстандық делегация қатысады. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Аталған отырыс барысында ҰҚШҰ Бас хатшысы Н.Бордюжаның ҰҚШҰ-ға мүше мемлекеттердің үйлестірілген ақпараттық саясатын құру жөніндегі әдістемелер мен тәжірибелік шаралар туралы баяндамасы тыңдалады. Бұл мәселе осы заманғы ақпараттық технологиялар мен PR-әдістемелерді дамыту жағынан барлық қатысушылар үшін айтарлықтай маңызды болып табылады.
Сонымен бірге, Н.Бордюжа алдағы ҰҚШҰ Ұжымдық жедел әрекет етуші күштерінің оқу-жаттығулары туралы хабардар етпек.
Бұған қоса, ҰҚШҰ жауапкершілігі аумағындағы әскери-саяси ахуалдың даму мәселесі бойынша пікір алмасу, сондай-ақ "Ұйымның 2010 жылға арналған бюджеті туралы" Ұжымдық қауіпсіздік кеңесінің шешімі мақұлданады деп жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.