Берлинде ҚР тұратын этникалық немістер мәселесі жөніндегі Қазақстан-Германия арасындағы Үкіметаралық комиссияның оныншы отырысы болып өтеді
"Отырыс аясында тараптар мәдени-гуманитарлық, білім беру және әлеуметтік салалардағы жүзеге асырылған шаралардың қорытындысын талқылап, осы бағыттар бойынша 2013 жылға арналған басты басымдықтарды белгілеуді көздеп отыр", - деді Омаров брифинг барысында.
Астана. 1-желтоқсан. Kazakhstan Today - 6-желтоқсанда Берлинде ҚР тұратын этникалық немістер мәселесі жөніндегі Қазақстан-Германия арасындағы Үкіметаралық комиссияның оныншы отырысы болып өтеді, деп хабарлайды Kazakhstan Today агенттігінің тілшісі.
Бұл туралы жұмада сыртқы істер министрлігінің баспасөз хатшысы Ілияс Омаров мәлім етті.
"Отырыс аясында тараптар мәдени-гуманитарлық, білім беру және әлеуметтік салалардағы жүзеге асырылған шаралардың қорытындысын талқылап, осы бағыттар бойынша 2013 жылға арналған басты басымдықтарды белгілеуді көздеп отыр", - деді Омаров брифинг барысында.
Оның ақпаратынша, комиссияның қазақстандық тарапын ҚР Сыртқы істер министрінің орынбасары Алексей Волков басқарады, ал германиялық тарапты Германия Ішкі істер министрлігінің Парламенттік Статс-хатшысы, Германия Федеративті үкіметінің келімсектер және ұлттық азшылық істері жөніндегі өкілетті уәкілі Кристоф Бергнер төрағалық етеді.
Сонымен қоса, отырыс шеңберінде Қазақстан мен Германия арасындағы екіжақты стратегиялық әріптестікті нығайтуда маңызды рөл атқаратын Қазақстандағы "Возрождение" немістер қоғамдық бірлестіктерінің Ассоциациясы қызметі туралы баяндама оқылатын болады.
Отырыс қорытындысы бойынша екіжақты Коммюникеге қол қою қарастырылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.