Біріккен Араб Имірлігі Ұлттық Федералдық Ассамблеясы Қазақстанмен парламентаралық ынтымақтастықты ұлғайтуға ықыласты
Біріккен Араб Имірлігі Ұлттық Федералдық Ассамблеясы Қазақстанмен парламентаралық ынтымақтастықты ұлғайтуға ықыласты
Астана. 1 ақпан. "Қазақстан Бүгін" - Біріккен Араб Имірлігі Ұлттық Федералдық Ассамблеясы Қазақстанмен парламентаралық ынтымақтастықты ұлғайтуға ықыласты. Бұл туралы Қазақстан Республикасы парламенті мәжілісінің төрағасы Аслан Мусиннің Ислам Конференциясы Парламенттік Одағы Ұйымының (ИКПОҰ) бесінші конференциясының бесінші сессиясы жұмысының шеңберінде Біріккен Араб Имірлігі Ұлттық Федералдық Ассамблеясының төрағасы Абдул Азиз Абдулла әл-Гурейрмен екі жақты кездесуі кезінде айтылды, деп хабарлайды агенттік тілшісі мәжілістің баспасөз қызметіне сілтеме жасап.
Біріккен Араб Имірлігі Ұлттық Федералдық Ассамблеясының басшысы екі жақты ынтымақтастықты барлық бағытта дамыту арқылы халықаралық деңгейге жетуге күш салу қажеттігін айтты.
Кездесу барысында мәжіліс төрағасы екі жақты қарым-қатынастың жоғары деңгейін атап өтті. Бұл қатынастардың негізі Қазақстан Республикасының президенті Нұрсұлтан Назарбаевтың осы елге, Біріккен Араб Имірлігінің мұрагер шейхының Қазақстанға жасаған ресми сапарларының нәтижесінде қаланған болатын.
Мұнай өндіру саласында тәжірибе алмасу, ауыл шаруашылығы, туризм, сауда-экономикалық салаларда қарым-қатынасты дамытуға келісім жасауға қол жетті.
2006 жылдың ақпанында Қазақстан Республикасының президенті Нұрсұлтан Назарбаевтың Біріккен Араб Имірлігіне жасаған ресми сапары барысында алюминий және дәрі-дәрмек зауыттарының, мұнай-химия кешенінің, медицина орталығының құрылыстарын салу, алтын қазу өндірісін, Астананың инфрақұрылымы мен Қазақстанның көлік жүйесін дамытуды қарастыратын бірлескен "Іске кірісу жоспарына" қол қойылған болатын.
Қазақстан мен Біріккен Араб Имірлігі арасындағы тауар айналымының көлемі 2007 жылдың қаңтары мен қарашасына дейін 295 миллион АҚШ долларын құраған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.