Біріккен Араб Имірліктерінің президенті Қазақстан Республикасына ресми сапармен келеді
Біріккен Араб Имірліктерінің президенті Қазақстан Республикасына ресми сапармен келеді
Астана. 14 шілде. "Қазақстан Бүгін" - Біріккен Араб Имірліктерінің президенті шейх Халифа бен Заид Ил Нахаян 14-16 шілдеде Қазақстан Республикасына ресми сапармен келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Алдағы сапар барысында түрлі салалардағы екіжақты ынтымақтастық мәселелерінің кең ауқымы талқыланады",- деді Е.Ашықбаев.
СІМ ақпаратына сәйкес, бүгінде Біріккен Араб Имірліктері Қазақстанның араб әлеміндегі маңызды саяси және экономикалық әріптестерінің бірі болып табылады. Астана және Абу Даби халықаралық сахнада жемісті ықпалдасып келеді, саяси диалог пен сауда-экономикалық байланыстар қарқынды дамуда, әмірліктер тарапы Қазақстанның сыртқы саяси бастамаларына тұрақты қолдау көрсетіп келеді.
Имірлік инвесторлар елімізде құны миллиардтаған бірқатар ірі жобаларды жүзеге асырып жатыр, оның ішінде Каспий теңізі жағасындағы "Актау Сити", Астанадағы "Абу Даби Плаза" кешені, Шымкент қаласындағы перзентхана мен орталық мешіт құрылыстары бар. Сонымен қатар мұнайхимия, энергетика және тау-кен салаларындағы ірі жобалар қарастырылуда.
Біріккен Араб Имірліктерінің президенті шейх Халифа бен Заид Ил Нахаянның ресми сапары екі ел арасындағы барлық саладағы өзара тиімді ынтымақтастықтың одан әрі дамуына үлкен серпіліс бермек.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.