Біріккен Араб Имірліктерінің президенті Қазақстан үкімет басшысын ескерткіш орденмен марапаттады
Біріккен Араб Имірліктерінің президенті Қазақстан үкімет басшысын ескерткіш орденмен марапаттады
Алматы. 25 мамыр. Kazakhstan Today - Біріккен Араб Имірліктерінің президенті шейх Халифа бен Заид Аль Нахайян дүйсенбі күні Қазақстан үкімет басшысы Кәрім Мәсімовты Order of Federation атты ескерткіш орденмен марапаттады, деп хабарлайды Kazakhstan Today Gulfnews.com ақпараттық порталына сілтеме жасап.
Мұндай орден әдетте президенттер мен мұрагер ханзадаларға табысталады. "Order of Federation орденін Кәрім Мәсімовқа табыстау Қазақстан мен Біріккен Араб Имірліктері арасындағы достық байланысты атап көрсетудің белгісі болса керек", - делінген хабарламада.
Шейх Халифа бен Заид Аль Нахайян екі ел арасындағы достықты одан әрі бекіте түсуге тілек білдірді.
Сондай-ақ ол Біріккен Араб Имірліктерінің Қазақстанмен арадағы инвестициялар және бірлескен ынтымақтастық перспективаларын кеңейте түсу салаларындағы ынтымақтастықты арттыруға деген талпынысын растады.
Тараптар екі ел халықтарының игілігі үшін түрлі салалардағы екіжақты қарым-қатынастарды одан әрі тереңдету жолдарын талқылады.
Шейх Халифа Қазақстан президенті Нұрсұлтан Назарбаевқа сәлем жолдап, Қазақстан еліне ілгерілеушілік пен гүлдену тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.