Бірқатар саяси партиялар өздерінің сайлау қорларын құрды
АСТАНА. 31 - шілде. Kazakhstan Today. Бірқатар саяси партиялар өздерінің сайлау қорларын құрды. Бұл туралы кеше Қазақстан Республикасының Орталық сайлау комиссиясының отырысында оның басшысы Қуандық Тұрғанқұлов мәлім етті, деп хабарлайды Kazakhstan Today тілшісі.
"Орталық сайлау комиссиясының мәліметтері бойынша бес партия сайлау қорын құрып, оны әртүрлі насихаттау іс-шараларын жүргізуге белсенді пайдалануда",- деді Қуандық Тұрғанқұлов.
Атап айтқанда, оның мәліметтеріне сүйенсек, Жалпыұлттық социал -демократиялық партиясы 86 млн 468 мың 950 теңге сомасында, "Нұр Отан" халықтық-демократиялық партиясы - 92 млн 297 мың 500 теңге көлемінде, Қазақстанның "Ауыл" партиясы - 2 млн теңге, Қазақстанның "Ақ жол" демократиялық партиясы - 9 млн 500 мың теңге, "Руханият" партиясы - 1 млн 400 мың теңге көлемінде сайлау қорын құрған.
Сайлау заңына сәйкес, партиялардың сайлау қоры 146 млн 280 мың теңгеден аспауы қажет.
"Орталық сайлау комиссиясы банктермен және фискалдық органдармен бірлесе отырып партиялардың сайлау қорларының қаржысының жұмсалуына бақылау жасайды",- деп атап көрсетті Қуандық Тұрғанқұлов.
Ол сонымен қатар, "Сайлау туралы" конституциялық заңына сәйкес саяси партиялар сайлау қорытындысы белгіленгеннен кейін бес күн ішінде сәйкес сайлау комиссиясына өзінің сайлау қорының қаржысын пайдаланғаны туралы есеп беруге міндетті.
"Партия тізімін ұсынған саяси партиялар кандидаттарының сайлау туралы заңның 34-бабының 1 - 8 тармақтарындағы ережелермен бекітілетін тәртіпті, сонымен қатар Орталық сайлау комиссиясының бекіткен сайлау қорының қаржысын жұмсау тәртібін бұзуы партиялық тізімді тіркеу тіралы шешімнің күшін жоюға әкеп соқтырады",- деп атап көрсетті Орталық сайлау комиссиясының басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.