Бірқатар ТМД мемлекеттері тауарлардың шығатын жерлердің аттарының бірыңғай ресстрін құру жөніндегі жобаға қатысудан бас тартуда
Бірқатар ТМД мемлекеттері тауарлардың шығатын жерлердің аттарының бірыңғай ресстрін құру жөніндегі жобаға қатысудан бас тартуда
Астана. 3 маусым. "Қазақстан Бүгін" - Бірқатар ТМД мемлекеттері тауарлардың шығатын жерлердің аттарының бірыңғай мемлекетаралық ресстрін құру жөніндегі жобаға қатысудан бас тартуда. Бұл жөнінде жүргізілген талдау қорытындысы бойынша белгілі болды, деп бүгін өнеркәсіп меншігін қорғау мәселелері жөніндегі мемлекетаралық кеңестің XVII отырысында Молдованың зияткерлік меншік жөніндегі мемлекеттік агенттігінің бас директоры Дориан Кирошка мәлімдеді, деп хабарлайды "Қазақстан Бүгін" агенттігінің тілшісі.
"Реестрді құру бастамасы мемлекетаралық кеңес мүшелері арасында қарама-қайшы пікір туғызды", - деді Д. Кирошка. Оның айтуынша, өзінің келіспейтіндігін Изербайжан білдірген. Ол жалған тауар белгілері мен географиялық атауларды пайдаланудың алдын алу және жолын кесу жөніндегі шаралар туралы келісім аясындағы шараларды күшейтуді және тараптардың географиялық атауларын өзара мойындау мәселелері жөніндегі екіжақты келісімге қол қоюды ұсынады.
"Армения да реестрдің құрылуына күдік келтіріп, елдерді хабарландыру негізінде ұлттық заңнамаға сәйкес күзет орнатуды қолдайтынын білдірді", - деп атап көрсетті Д. Кирошка. "Өз кезегінде Беларусь республика аумағындағы шығатын жердің атауын қорғауға алу тек шығарылатын ел тіркеуге алынған кезде ғана іске асырылады дегенді негізге ала отырып, аталмыш реестрдің құрылуына қатысуды ақылға сыйымды деп есептемейді", - деп толықтырды ол.
Оның үстіне, Өзбекстан жағы да аталмыш реестр ақпараттық сипатта екенін және міндеттемелерін орындамауы мүмкін екендігі жайында пікір білдірді. Ал Қырғызстан болса, реестрді құру жөніндегі келісім өнеркәсіп меншігін қорғау мәселелері жөніндегі мемлекетаралық кеңеске мүше елдердің үкімет басшыларының деңгейінде жасалғанын талап етіп отыр.
"Жоғарыда айтылғандардың барлығын ескере келе өнеркәсіп меншігін қорғау мәселелері жөніндегі мемлекетаралық кеңеске мүше мемлекеттердің әрқайсысында тиісті жүйеерді құрып алмай жатып, реестрді құру ақылға сыйымды деп есептелмейді", - деп сөзін түйіндеді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.