Біртұтас экономикалық кеңістікті құру аясында бәсекелестікті қорғау және дамыту жөніндегі бейұлттық орган құру жөнінде келіссөздер жүргізілуде - РФ Федералдық антимонополиялық қызметі
Біртұтас экономикалық кеңістікті құру аясында бәсекелестікті қорғау және дамыту жөніндегі бейұлттық орган құру жөнінде келіссөздер жүргізілуде - РФ Федералдық антимонополиялық қызметі
Астана. 2 қазан. "Қазақстан Бүгін" - Қазақстан , Беларусь және Ресей арасында Біртұтас экономикалық кеңістік құру аясында бәсекелестікті қорғау және дамыту жөніндегі бейұлттық (наднациональный) орган құру жөнінде келіссөздер жүргізілуде. Бұл туралы РФ Федералдық антимонополиялық қызметінің жетекшісі Игорь Артемьев бүгін Монополияға қарсы саясат жөніндегі мемлекетаралық кеңестің отырысының екінші күні мәлімдеді, деп хабарлайды агенттік тілшісі.
"Бұл Еуропалық комиссияның аналогы. Іс жүзінде қол жеткізіліп жатса бұл Қазақстан , Беларусь және Ресей елдері біртұтас ережелер мен заңдар аясында өмір сүрмек дегенді білдіреді. Анау айтқандай жақын жол болмағанымен, біз оған анағұрлым жақындап келеміз", -деді РФ өкілі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.