Бішкекте 29 ақпанда Қазақстан , Қырғызстан, Тәжікстан мен Өзбекстанның гидроэнергетикалық мекемелерінің жетекшілерінің кездесуі өтеді
Бішкекте 29 ақпанда Қазақстан , Қырғызстан, Тәжікстан мен Өзбекстанның гидроэнергетикалық мекемелерінің жетекшілерінің кездесуі өтеді
Бішкек. 26 ақпан. "Қазақстан Бүгін" - Бішкекте 29 ақпанда Қазақстан , Қырғызстан, Тәжікстан мен Өзбекстанның гидроэнергетикалық мекемелерінің жетекшілерінің кездесуі өтеді, деп хабарлайды агенттік тілшісі Қырғызстанның өнеркәсіп, энергетика және отын ресурстары министрлігіне сілтеме жасап.
Аталмыш мекеменің баспасөз қызметінің ақпаратына сәйкес, бұл өңірдегі езекті мәселе бойынша биылғы бірінші кеңес болмақ. Онда Нарын-Сырдария бассейнінің су-энергетикалық ресурстарын 2008 жылы бірлесіп пайдалану және өзара энергетикалық ресурстар беру жөніндегі төрт жақты келісімді дәйектеу басты әңгіме өзегіне айналмақ.
Бұл кездесуді өткізуге Қырғызстан үкіметі келісімін берді, оның атынан Қазақстан , Тәжікстан мен Өзбекстанның гидроэнергетикалық мекемелерінің жетекшілеріне шақырулар жіберілді. Сол күні Бішкекте Қырғызстанның мүдделі мекемелері мен көршілес республикалардың сарапшыларының қатысуымен аталған мәселе бойынша дөңгелек үстел өткізілмек.
Қырғызстанның өнеркәсіп, энергетика және отын ресурстары министрі Сапарбек Балкибековтың пікірінше, өңірдің барлық республикалары осы қыста түрлі дәрежеде басынан өткерген энергетикалық дағдарыс оларды алдағы келіссөздерде өз позициясын мейлінге қатаң қорғауға мәжбүр етеді. "Келісімді дайындау бағытында күрделі жұмыстар күтіп тұр, бірақ оны тез арада қабылдау барлық тараптардың мүддесіне сай", - деді С. Балкибеков.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.