БІШКЕК. 27 маусым. Kazakhstan Today. Бішкекте Шанхай ынтымақтастығы ұйымына мүше елдердің қорғаныс министрлері бірлескен коммюникеге және Ресей Федерациясында Шанхай ынтымақтастығы ұйымына мүше елдердің "Бейбіт миссия-2007" атты антитеррорлық әскери оқу-жаттығуларын өткізу жөніндегі келісімге қол қойды, деп хабарлайды Kazakhstan Today тілшісі.
Қырғызстан қорғаныс министрі Исмаил Исаковтың журналистерге мәлімдеуінше, коммюникеде "кеңес барысында қол жеткізілген нәтижелер көрініс тауып, әскери ынтымақтастықты одан әрі тереңдету және аясын кеңейту қадамдары айтылған". Оның айтуынша, сонымен бірге кеңес барысында аймақтық әріптестік және ШЫҰ аясындағы әскери ықпалдастықты нығайту мәселелері талқыланды.
Кеңеске Қазақстан қорғаныс министрі Даниал Ахметов, Қытайдан - Цао Ганчуань, Ресейден - Анатолий Сердюков, Тәжікстаннан - Шерали Хайруллоев пен Өзбекстан қорғаныс министрінің орынбасары Рустам Ниязов қатысты.
Бүгін сонымен қатар Шанхай ынтымақтастығы ұйымына мүше елдердің қорғаныс министрлерінің екі жақты кездесулері өтеді.
ШЫҰ-ына Қазақстан, Қытай, Кырғызстан, Ресей, Өзбекстан және Тәжікстан енеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бішкекте Шанхай ынтымақтастығы ұйымына мүше елдердің қорғаныс министрлері коммюникеге қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.