Бішкекте ШЫҰ клубының жиыны өтті
Бішкекте ШЫҰ клубының жиыны өтті
Бішкек. 13 мамыр. "Қазақстан Бүгін" - Бішкектегі "Ала Арша" мемлекеттік сарайының Конгресс-холл ғимаратында бүгін Қырғызстан парламентінің спикері Адахан Мадумаровтың төрағалық етуімен Шанхай ынтымақтастығы ұйымы клубының жиыны өтті, деп хабарлайды агенттік тілшісі Қырғызстан СІМ-нің баспасөз қызметіне сілтеме жасап.
Жиынға Қырғызстан парламентінің вице-спикері Чолпон Баекова, СІМ Эднан Карабаев, парламент депутаттары, РФ, ҚХР , Қазақстан, Тәжікстан мен Өзбекстан елшілері қатысты.
Қырғызстан СІМ-нің баспасөз қызметінің ақпаратына сәйкес, бұл шара аясында ШЫҰ-ына қатысушы елдердің дипломатиялық өкілдіктерінің басшылары парламент пен тұрақты комитеттердің жетекшілерімен бейресми ахуалда кездесті.
Жиынға қатысушылар ұйымға мүше елдердің өзара ынтымақтастығына қатысты кең көлемді мәселелер топтамасы бойынша пікір алмасты. Атап айтсақ, Қырғызстан жағының ШЫҰ Парламентаралық ассамблеясын Ыстықкөл облысының Шолпан Ата қаласында бас пәтерімен құру жөніндегі бастамасын жүзеге асыру жайы талқыланды.
"Басты назар ШЫҰ аясында құрылатын жаңа институттың маңызы мен мүмкіндіктеріне аударылды, ол ұйымның парламенттік мәселелерін жақсартуға септігін тигізеді деп күтілуде", -деп хабарлайды Қырғызстан СІМ-нің баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.