Біз үшін Қазақстан толерантты мемлекеттің үлгісі болып табылады - Израильдің сыртқы істер министрі
Біз үшін Қазақстан толерантты мемлекеттің үлгісі болып табылады - Израильдің сыртқы істер министрі
Астана. 12 қазан. Kazakhstan Today - Мемлекет басшысы Нұрсұлтан Назарбаев Израильдің сыртқы істер министрі Авигдор Либерманды қабылдады, деп хабарлайды Kazakhstan Today президенттің баспасөз қызметіне сілтеме жасап.
Баспасөз қызметінің ақпаратына сәйкес, кездесу барысында Қазақстан мен Израильдің сауда-экономикалық және мәдени-гуманитарлық салалардағы өзара іс-қимылы мәселелері талқыланды. Атап айтқанда, әңгіме Израиль Мемлекетінің президенті Шимон Перестің Қазақстанға сапары барысында қол жеткізілген келісімдерді жүзеге асыру жолдары туралы болды.
"Біз Израильде Президент Нұрсұлтан Назарбаевты айрықша құрметтейтінімізді жеткізгім келеді. Біз үшін Қазақстан толеранттық мемлекеттің үлгісі болып табылады", - деді журналистерге арналған брифингте Авигдор Либерман.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.