Брюссельде ЕҚЫҰ мен Еуроодақ "үштігі" өкілдері өз қызметтерін үйлестіру жолдарын талқылайды
Брюссельде ЕҚЫҰ мен Еуроодақ "үштігі" өкілдері өз қызметтерін үйлестіру жолдарын талқылайды
Астана. 18 қаңтар. Kazakhstan Today - Мемлекеттік хатшы - Сыртқы істер министрі Қанат Саудабаев 26 қаңтарда Брюссельде министрлер деңгейіндегі Еуропадағы Қауіпсіздік және Ынтымақтастық Ұйымы мен Еуроодақ "үштігінің" бірлескен отырысына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Кездесу барысында екі ұйым өкілдері өз қызметтерін үйлестіру жолдарын талқылайды. Талқылануы жоспарланған тақырыптар арасында - аймақтық қауіпсіздікті қамтамасыз ету, оның ішінде Ауғанстандағы жағдайды тұрақтандыру, "созылып кеткен жанжалдардың" бейбіт шешімін табу жолдарын іздестіру, еуропалық қауіпсіздік архитектурасының болашағын анықтайтын "Корфу үдерісін" ілгерілету, және басқа да ортақ қызығушылық тудыратын мәселелер.
Сонымен қатар, аталмыш сапар барысында Қанат Саудабаев Бельгия корольдігі, Еуроодақ және НАТО басшылығымен бірқатар кездесулер өткізеді деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.