АСТАНА. 12-ақпан. Kazakhstan Today. Брюссельде 12-ақпанда "Қазақстан Республикасы- Еуропа Одағы" ынтымақтастық кеңесінің кезекті, 9-шы отырысы өтеді, деп хабарлады Астанадағы дәстүрлі баспасөз мәслихатында сыртқы істер министрлігінің баспасөз хатшысы Іляс Омаров.
Оның ақпараттарына сүйенсек, отырысқа Қазақстан жағынан одақтың тең төрағасы болып табылатын ауыл шаруашылық министрі Ахметжан Есімов басқарған Қазақстан Республикасының ресми делегациясы қатыспақ. Еуропа одағының делегациясын Германия Федералдық Республикасының сыртқы істер министрлігінің шетелдік істер статс-министр Гернот Эрлер басқарады.
"Отырыстың күн тәртібінде екі жақты қатынастар, саяси реформалар, адам құқықтары, аймақтық ынтымақтастық, сот төрелігі және ішкі істер мәселелері, соның ішінде лаңкестікпен күрес, экономикалық реформалар, энергетика, көлік, сауда және инвестиция, техникалық және басқа да көмектер көрсету мәселелері қамтылған",- деді ол.
І. Омаровтың хабарлауынша, отырыс барысында екі жақ Қазақстан Республикасының президенті Нұрсұлтан Назарбаевтың желтоқсандағы Брюссельге барған сапарының қорытындысын нақты іске асыруға, Еуропа жағынан әзірленген Орта азия бойынша Еуропалық Одақтың стратегиясына, сонымен қатар Еуропалық Одақтың Баку бастамасы мен 2006 жылдың қарашасында өткен Қара және Каспий теңізі елдерінің энергетикасы жөніндегі 2-ші министрлер кеңесі барысында қол жеткізген келісімдерді нақты жүзеге асыруға аса назар аудармақ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Брюссельде "Қазақстан Республикасы- Еуропа Одағы" ынтымақтастық кеңесінің отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.