Бүгін ҚР СІМ Ержан Қазыханов ГФР Федералдық сыртқы істер министрін қабылдады
Сыртқы істер министрі Ержан Қазыханов "Ядролық сынақтарға тыйым салудан ядролық қарусыз әлемге" атты халықаралық конференцияға қатысуға келген Германия Федеративті Республикасының Федералдық сыртқы істер министрі Гидо Вестервелле мырзаны қабылдады.
Астана. 29-тамыз. Kazakhstan Today - Бүгін ҚР СІМ Ержан Қазыханов ГФР Федералдық сыртқы істер министрін қабылдады, деп хабарлайды Kazakhstan Today агенттігінің тілшісі.
Сыртқы істер министрі Ержан Қазыханов "Ядролық сынақтарға тыйым салудан ядролық қарусыз әлемге" атты халықаралық конференцияға қатысуға келген Германия Федеративті Республикасының Федералдық сыртқы істер министрі Гидо Вестервелле мырзаны қабылдады.
Кездесу барысында тараптар, Қазақстан мен Германия арасындағы экономикалық және саяси салалардағы ынтымақтастық мәселелерін талқылады. Сонымен қатар, екіжақты ынтымақтастықтың қазіргі ахуалы мен келешегін, ядролық қарусыздану мен таратпау мәселелері жайында пікір алмасты. Германия Федеративті Республикасы Қазақстанның Еуропадағы ең маңызды әріптестерінің және экономикамызға инвестиция құюшы елдердің бірі болып табылады. Сонымен қатар, Еуроодақ шеңберінде де маңызды әріптес болып есептеледі. Германия Қазақстанның Еуроодақпен ұзақ мерзімді және өзара тиімді ынтымақтастықты арттыруда ерекше рөл атқарады. Айта кету керек, министрдің Астанаға сапары екі ел арасындағы дипломатиялық қарым-қатынастың 20-жылдығымен тұспа-тұс келіп отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.