Бүгінгі күні Қазақстанның алты азаматшасы Газа секторынан кетуге ниет білдіріп отыр - ІІМ
Бүгінгі күні Қазақстанның алты азаматшасы Газа секторынан кетуге ниет білдіріп отыр - ІІМ
Астана. 12 қаңтар. "Қазақстан Бүгін" - Бүгінгі күні Қазақстанның алты азаматшасы Газа секторынан кетуге ниет білдіріп отыр. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Біздің нақтыланған мәліметіміз бойынша, қазір Газа секторындағы шиеленіс аймағында Қазақстанның 16 азаматы, олардың балалары, жалпы алғанда 57 адам бар", - деді Е. Ашықбаев.
"Газа секторынан кетуге ниет білдірген 6 әйел мен 24 бала бар. Дәл Газа секторында тұратын бір отбасы кейбір жағдайларға байланысты көшуден бас тартты", - деді ол.
Оның айтуынша, қазір "Қазақстанның алты азаматшасын балаларымен, яғни, 30 адамды көшіру мәселесі дәйектеліп жатыр. "Искери іс-қимылдарға, Газа секторы аймағының қоршауда болуына байланысты біз қазір нақты қанша азамат шыға алатынын дөп басып айта алмаймыз",- деді ол.
Е. Ашықбаевтың хабарлауынша, Газа секторындағы Қазақстан азаматтарына көмек көрсету үшін Қазақстан СІМ-де (7172) 72 02 68 және 72 02 86 телефондары бойынша "қызу желі" ұйымдастырды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.