ВАШИНГТОН. 27-қыркүйек. Kazakhstan Today. Атлант мұхитының жағалауы Мэн штатындағы Кеннебанкпорт түбіндегі Буштар отбасының атақонысында Қазақстан президенті Нұрсұлтан Назарбаев пен АҚШ-тың бұрынғы президенті үлкен Джордж Буштың кездесуі болып өтті, деп хабарлайды Kazakhstan Today агенттігінің арнаулы тілшісі.
Қазақстан президенті өзінің АҚШ-қа сапарын осыдан бірнеше сағат бұрын бастады. Нұрсұлтан Назарбаевпен бірге ҚР СІМ Қасымжомарт Тоқаев, вице-премьер Кәрім Мәсімов пен президент әкімшілігінің жетекшісі Иділбек Жақсыбеков жүр.
Қазір Вашингтонда түн таяды. Сол себепті сапардың бағдарламасы қазіргі президент Джордж Буштың ата-анасының Атлант мұхитының жағалауындағы "Уокер поинт" атты атақонысында басталды. "Көптен бері достық байланыстағы үлкен Джордж Буш пен Нұрсұлтан Назарбаев әлемдік саясатқа қатысты өзекті мәселелерді талқылады", деп хабарлайды президент әкімшілігі.
Бұдан бұрын да хабарлағанымыздай, Нұрсұлтан Назарбаев пен Ақ үйдің қазіргі басшысының кездесуі 29-қыркүйек, жұмада өтеді.
Сонымен бірге 27-қыркүйекте Н.Назарбаев АҚШ конгрессінің мүшелерімен, вице-президент Ричард Чейнимен, сауда және энергетика министрімен, Орталық барлау басқармасының директорымен кездеседі.
Сондай-ақ, Н.Назарбаев Илемдік банктің президентімен және ірі АҚШ компанияларының жетекшілерімен кездеседі.
Сондай-ақ, Қазақстан мемлекет басшысы АҚШ астанасындағы Қазақстан елшілігі аумағында Қазақстан тәуелсіздігінің құрметіне арналған ескерткіштің ашылуына қатысады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Буштардың атақонысында Қазақстан президенті мен АҚШ-тың бұрынғы президентінің кездесуі өтті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.