БҰҰ бас хатшысы бірінші "Өркениеттілік альянсы" форумының ашылу рәсіміне қатысады
БҰҰ бас хатшысы бірінші "Өркениеттілік альянсы" форумының ашылу рәсіміне қатысады
Нью - Йорк. 15 қаңтар. "Қазақстан Бүгін" - Біріккен Ұлттар Ұйымының бас хатшысы Пан Ги Мун бірінші "Өркениеттілік альянсы" форумының ашылу рәсіміне қатысады. Ол Мадридте 15-16 қаңтар аралығында өтеді, деп хабарлайды агенттік Біріккен Ұлттар Ұйымының ақпарат орталығына сілтеме жасай отырып.
Баспасөз қызметі хабарлағанындай, форумның жұмысына бірнеше мемлекеттік басшылары, үкімет басшылары, министрлер, үкіметаралық ұйымдардың жетекшілері, үкіметтің емес ұйымдар мен жастар ұйымдарының өкілдері, сондай-ақ, діни ұйымдардың жетекшілер, БАҚ өкілдері қатысады.
БҰҰ баспасөз қызметінің ақпараты бойынша, форум барысында бірнеше жоспарлы жобалардың жүзеге асырылатыны жөнінде хабарлама беріледі. Бұл негізгі төрт салаға қатысты, "Өркениеттілік альянсы", көші-қон, жастар, БАҚ мен білім беру сияқты бағдарламалар легі.
Бұл форумды ұйымдастырудың негізгі мақсаты - мемлекеттер арасындағы түсіністікті кеңейтіп, жаһандық серіктестік арқылы діни және мәдениеті әр түрлі халықтар арасындағы сенімділікті нығайту.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.