БҰҰ Бас хатшысы Қазақстан президентін Дүниежүзілік туристік ұйымның Бас Ассамблеясының 18-інші сессиясын табысты ұйымдастырумен құттықтады
БҰҰ Бас хатшысы Қазақстан президентін Дүниежүзілік туристік ұйымның Бас Ассамблеясының 18-інші сессиясын табысты ұйымдастырумен құттықтады
Астана. 8 желтоқсан. Kazakhstan Today - Мемлекет басшысының атына БҰҰ Бас хатшысы Пан Ги Муннан жолдау-хат келіп түсті. Біріккен Ұлттар Ұйымының Бас хатшысы Қазақстан Республикасының президентін Астанада Дүниежүзілік туристік ұйымның Бас Ассамблеясының 18-інші сессиясын табысты ұйымдастырып, өткізуімен құттықтады, деп хабарлайды Kazakhstan Today президенттің баспасөз қызметіне сілтеме жасап.
"Қазақстан Біріккен Ұлттар Ұйымының мамандандырылған мекемесінің басты органын өзінің жаңа астанасында алғаш рет қабылдады, бұл Сіздің елдің халықаралық аренада БҰҰ жүйесінің сенімді серіктесі ретінде өсіп келе жатқан рөлін көрсетеді.
Тұтастай алғанда, осындай ауқымдағы шараны қабылдап, Қазақстан бірегей мәдениетін және Орта Азияның табиғи байлығын көрсете алды, бүкіл өңірдің туристік секторына қолдау білдірді, сондай-ақ ағымдағы экономикалық дағдарысты еңсеруге үлес қосты.
Сізге Қазақстан мен Біріккен Ұлттар Ұйымының ынтымақтастығында табыс тілеуге рұқсат етіңіз. Менің терең құрметтейтініме сендіруімді қабыл алыңыз", - делінген Пан Ги Мунның жолдау-хатында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.