БҰҰ Бас хатшысы Пан Ги Мун Қазақстанға ресми сапары барысында Семей ядролық полигонында болып, Ұлттық ядролық орталықпен танысады
БҰҰ Бас хатшысы Пан Ги Мун Қазақстанға ресми сапары барысында Семей ядролық полигонында болып, Ұлттық ядролық орталықпен танысады
Астана. 5 сәуір. Kazakhstan Today - Қазақстанға 6-7 сәуір аралығында президенттің шақырумен БҰҰ Бас хатшысы Пан Ги Мун ресми сапармен келеді. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Астана және Семей қалаларына бару сапарын қамтитын бұл кездесуде саяси байланыстарды нығайту мәселелері қарастырылып, біздің еліміздің басшыларымен өзекті ынтымақтастық мәселелері талқыланады. Сондай-ақ, ҚР ЕҚЫҰ-на төрағалығы барысындағы халықаралық проблемалар қамтылмақ.
Сапар шеңберінде Бас хатшы Семей ядролық полигонында болып, Ұлттық ядролық орталықпен, радиациялық қауіпсіздік және экология институтымен танысады.
"БҰҰ ынтымақтастық Қазақстанның сыртқы саясатының негізгі бағыттарына жататындығын атап кеткеніміз жөн. Қазақстан 1992 жылы бұл ұйымға кірген уақыттан бері өзін бұл ұйымның толыққанды мүшесі ретінде ғана емес, сонымен қатар басты халықаралық ұйымның ішінен беделді орын ала білді. Қазақстанның БҰҰ мүшелігі - бейбітшілікке, дамуға және жаһанды гүлденуге деген шынайы ұстанымының белгісі",- деді І.Омаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.