БҰҰ құрылымындағы ДТҰ бас ассамблеясының кезекті сессиясы 2009 жылы Астанада өтеді
БҰҰ құрылымындағы ДТҰ бас ассамблеясының кезекті сессиясы 2009 жылы Астанада өтеді
Астана. 3 -желтоқсан. "Қазақстан Бүгін" - БҰҰ құрылымындағы Дүниежүзілік туристік ұйымының (ДТҰ) бас ассамблеясының кезекті 18-ші сессиясы 2009 жылы Астанада өтеді. Бұл туралы ҚР СІМ-нің ресми өкілі Ержан Ашықбаев бүгін өткен брифингте құлағдар етті, деп хабарлайды "Қазақстан Бүгін" агенттігі. Мұндай шешім осы ұйымның Колумбияда өткен 17-ші сессиясында қабылданды.
"БҰҰ құрылымындағы ДТҰ бас ассамблеясының 17-ші сессиясы барысында Астана бас ассамблеяның 18-ші сессиясын өткізетін орын ретінде таңдалды", - деді Е.Ашықбаев.
Оның айтуынша, қарашаның 23 мен 29 аралығында Колумбияның Картахена-де-Индиас қаласында Дүниежүзілік туристік ұйымның бас ассамблеясының 17-ші сессиясы өтті. Оған еліміздің туризм және спорт министрі Темірхан Досмұхамбетов басқарған Қазақстан өкілдері қатысты.
"Құпия дауыс беру нәтижесінде Қазақстан Еуропалық аймақтық топ бойынша 2007-2011 жылдар аралығында БҰҰ құрылымындағы Дүниежүзілік туристік ұйымның атқарушы кеңесінің құрамына енді", - деді Е.Ашықбаев. Дауыс беру қорытындысы бойынша Қазақстанмен қатар бұл кеңеске Ресей, Италия және Франция да өтті. "Бұл еліміздің әлеуметтік-экономикалық дамудағы және оның туристік саласының жетістіктерін мойындау, сондай-ақ, Қазақстанның туристік брендін табысты ілгерілетудің нәтижесі болды", -деді СІМ өкілі.
БҰҰ құрылымындағы ДТҰ - UNWTO БҰҰ құрамындағы маңызды ұйымдардың бірі болып табылады. Оған 154 мемлекет мүше.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.