БҰҰ жер сілкінісінен зардап шеккен Қырғызстандықтарға көмек көрсету шараларын жалғастыруда
БҰҰ жер сілкінісінен зардап шеккен Қырғызстандықтарға көмек көрсету шараларын жалғастыруда
Нью-Йорк. 10 қаңтар. "Қазақстан Бүгін" - Біріккен Ұлттар Ұйымының гуманитарлық мәселелерін үйлестіру жөніндегі басқармасы жер сілкінісінен зардап шеккен Қырғызстандықтарға көмек көрсету шараларын жалғастыруда, деп хабарлайды агенттік БҰҰ ақпараттар орталығына сілтеме жасай отырып.
БҰҰ мәліметтері бойынша, апатты аймаққа 200 жылу пеші, қаптөсектер, көрпелер, жылы киімдер, гигиеналық заттар жеткізілді.
БҰҰ хабарлағанындай, кеше Ұлыбританияның үкіметі Қырғызстан тұрғындарына 400 жылы шатырды жіберетіндерін хабарласа, Норвегия үкіметі жер дүмпуінен баспанасыз қалғандарға 120 қысқы шатырды жөнелтті.
БҰҰ басқармасы басқа донор елдерді осындай шараларды қолға алуға шақырып, зардап шеккендердің азық-түлік, қосымша жылытқыш құралдарға эәру екендіктерін атап өтті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.