АЛМАТЫ. 23-мамыр. Kazakhstan Today. БҰҰ-ның Азия және Тынық мұхитына арналған экономикалық және әлеуметтік комиссиясының (ЭСКАТО) кезекті 64- сессиясы 2008-жылдың сәуір-мамырында Бангкокте өтеді. Бұл туралы комиссияның 63-ші сессияның қорытындысына арналған баяндамасының жобасында айтылған, деп хабарлайды Kazakhstan Today тілшісі.
"Комиссия 64-ші сессияны БҰҰ-ның Бангкок қаласындағы бас қосу орталығында, алдын ала болжам бойынша 2008-жылдың сәуір немесе мамыр айларында өткізуді қаулы етеді",- делінген құжатта.
"Комиссия 64-ші сессияның басты тақырыбы ретінде "Азия-Тынық мұхиты аймағындағы энергетикалық қауіпсіздік және тұрақты даму" тақырыбын таңдау туралы ұсынысқа қатысты "инновациялар мен бәсекелестік қабілеттілік" элементтерін енгізу жөнінде жалпылама келісімге келгенімен, басты тақырып комиссия мүшелері тағайындаған тұрықты және басқа да өкілдердің консультациялық комитетімен ақылдаса отырып әлі де нақтыланады",- делінген бачндама жобасында.
БҰҰ-ның Азия және Тынық мұхитына арналған экономикалық және әлеуметтік комиссиясының (ЭСКАТО) кезекті 63- сессиясы мамырдың 15 мен 23 аралығында Алматыда өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
БҰҰ-ның Азия және Тынық мұхитына арналған экономикалық және әлеуметтік комиссиясының (ЭСКАТО) кезекті сессиясы 2008-жылдың сәуір-мамырында Бангкокте өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.