Чехия Оңтүстік Осетия мен Абхазия мәселесінің саяси жолмен шешілуін қолдайды - Чехия сенатының төрағасы
Чехия Оңтүстік Осетия мен Абхазия мәселесінің саяси жолмен шешілуін қолдайды - Чехия сенатының төрағасы
Астана. 10 қыркүйек. "Қазақстан Бүгін" - Чехия Оңтүстік Осетия мен Абхазия мәселесінің саяси жолмен шешілуін қолдайды. Бұл туралы Чехия парламенті сенатының төрағасы Пржемысл Соботка Қазақстан парламенті сенатының төрағасы Қасым-Жомарт Тоқаевпен кездесу қорытындысы бойынша өткен пресс-брифингте мәлімдеді, деп хабарлайды агенттік тілшісі.
"Еліміздегі бүкіл саяси сахна, соның ішінде сенат та осы шиеленіске қатысты айқын ұстанымда болды. Біз қандай да шиеленістің саяси жолмен шешілуін қолдаймыз, өйткені, күш қолдану туралы шешімнен әрқашан қарапайым халық опық шегеді. Біз егеменді елдің шекарасы қандай жағдайда да бұзылмауын жақтаймыз", - деді П. Соботка.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.