АСТАНА. 22-желтоқсан. Kazakhstan Today. "Отан" партиясының атауын "Нұр-Отан" деп ауыстыру ерте, деп санайды партия төрағасының орынбасары Дариға Назарбаева.
"Партияның атауын өзгерту қазір ерте, себебі редакциялық комиссиясы біріккен партияның бағдарламасын редакциялау жұмысын әлі жалғастыруда, әрине бұл менің ұстанымым", - деп хабарлады Д.Назарбаева партияның кезектен тыс өткен оныншы құрылтайының аяқталуы бойынша журналистерге берген сұхбатында.
"Егер "Отан" партиясының бағдарламасына түзетулер түбегейлі енгізілген болса, онда оның атауы туралы ойланғанымыз көңілге қонымды болар еді. Дегенмен, оның бұрынғы атауы да менің көңілімнен шығады", деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Дариға Назарбаева "Отан" партиясының атауын өзгерту ерте деп санайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.