Дауыс берген сайлаушылардың 90 пайыздан астамы жаңа Конституцияны мақұлдады
А. Сариев "дауыс берудің алдын ала нәтижелері ешқандай күдік туғызбайды және шынайылықты суреттейді. Өйткені, адамдар республикадағы тұрақтылық пен тыныштық үшін референдумда қолдап дауыс берді", - деп есептейді.
Алматы. 30-маусым. Kazakhstan Today Алдын ала жасалған қорытындыға сәйкес, дауыс берген сайлаушылардың 90 пайыздан астамы жаңа Конституцияны мақұлдады. Бұл туралы Орталық сайлау комиссиясының төрағасы Ақылбек Сариев баспасөз мәслихатында мәлім етті, деп хабарлайды Kazakhstan Today агенттігі "АКИpress" ақпараттық агенттігіне сілтеме жасай отырып.
А. Сариев "дауыс берудің алдын ала нәтижелері ешқандай күдік туғызбайды және шынайылықты суреттейді. Өйткені, адамдар республикадағы тұрақтылық пен тыныштық үшін референдумда қолдап дауыс берді", - деп есептейді.
Тілшілердің сауалдарына жауап бере отырып, ол жекелеген сайлау учаскелерінде заң бұзушылықтар мен бұрмалаушылықтардың болу мүмкіндігін жоққа шығармайтынын, алайда, оның жаппай орын алуы мүмкін емес екендігін жеткізді. Қазіргі уақытта заң бұзушылықтар бойынша ешқандай да шағымдар келіп түскен жоқ. Тек базарларда сайлауды ұймдастыруға қатысты бір арыз ғана бар. Ол арызды ОСК мүшелері қарастырады, деді ол.
А. Сариевтың ақпаратына сүйенсек, референдумды ұйымдастыру мен өткізуге кететін шығындардың сметалық құны 130 млн сом мөлшерінде бекітілген. Алайда, әртүрлі донорлардан көмек келгенін есепке алар болсақ, Орталық сайлау комиссиясы мемлекеттік бюджеттің 40 млн сомнан астам қаражат үнемделуі мүмкін.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.