Дүйсенбіде Иран президентінің Қазақстанға ресми сапары басталады
Дүйсенбіде Иран президентінің Қазақстанға ресми сапары басталады
Астана. 3 сәуір. "Қазақстан Бүгін" - Дүйсенбіде Иран президенті Махмуд Ахмадинежадтың Қазақстанға ресми сапары басталады. Бұл туралы ҚР СІМ-нің баспасөз қызметінің жетекшісі Ілияс Омаров мәлім етті, деп хабарлайды "Қазақстан Бүгін" агенттігінің тілшісі.
"Дүйсенбі күні Иран президенті Махмуд Ахмадинежад Қазақстанға ресми сапармен келеді деп күтілуде. Сапар барысында Иран президенті Нұрсұлтан Назарбаевпен келіссөздер жүргізеді", - деді И. Омаров.
Қазақстан мен Иран арасындағы дипломатиялық қарым-қатынастың негізі 1992 -жылдың 29 қаңтарында қаланған. Қазақстан Республикасының Иран Ислам Республикасындағы елшілігі 1993 жылдан бері жұмыс істейді. Қазір Ирандағы Қазақстан Республикасының істерін уақытша жауаптанушы болып Оңталап Оңалбаев істейді.
Қазақстандағы Иран елшілігі 1992 жылдан бері жұмыс істейді. 2005 жылдың мамыр айынан бері Қазақстандағы Иран елшісі қызметін Ромин Мехмонпараст атқарып келеді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.