Душанбе қаласында 25 шілдеде Шанхай ынтымақтастық ұйымы мүше-мемлекеттерінің сыртқы істер министрлері кеңесінің кезекті отырысы болады
Душанбе қаласында 25 шілдеде Шанхай ынтымақтастық ұйымы мүше-мемлекеттерінің сыртқы істер министрлері кеңесінің кезекті отырысы болады
Астана. 21 шілде. "Қазақстан Бүгін" - Душанбе қаласында 25 шілдеде Шанхай ынтымақтастық ұйымы мүше-мемлекеттерінің сыртқы істер министрлері кеңесінің кезекті отырысы болады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің баспасөз хатшысы Ілияс Омаров құлағдар етті,- деп хабарлайды Қазақстан Бүгін тілшісі.
СІМК отырысы барысында биылғы 28 тамызға жоспарланған ШЫҰ мүше-мемлекеттер басшыларының кеңесін өткізу бойынша дайындық мәселелері, сонымен қатар әлемдегі жағдай дамуының негізгі тенденциялары, Шанхай ынтымақтастық ұйымы аймағында тұрақтылық пен қауіпсіздікті нығайту секілді өзекті халықаралық мәселелер бойынша пікір алмасылады.
ШЫҰ мүше-мемлекеттер сыртқы саяси ведомстволарының басшылары бірқатар шешімдерге қол қойып, СІМК қорытындылары бойынша ақпараттық жариялым қабылданады.
СІМК алдында, Душанбе қаласында 2008 жылдың 21-23 шілдесінде өтетін ШЫҰ мүше-мемлекеттерінің ұлттық үйлестірушілердің отырысы барысында СІМК мен ШЫҰ мүше-мемлекеттер басшыларының саммитіне дайындық жұмыстары қарастырылатын болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.