Душанбеде "ЕО үштігі - Орталық Азия елдері" форумы өтуде
Душанбеде "ЕО үштігі - Орталық Азия елдері" форумы өтуде
Астана. 29 мамыр. "Қазақстан Бүгін" - Душанбеде "ЕО үштігі - Орталық Азия елдері" форумы өтуде, деп хабарлайды "Қазақстан Бүгін" агенттігінің тілшісі Тәжікстан БАҚ-тарына сілтеме жасап.
Бұдан бұрын да хабарлағанымыздай, Қазақстанның сыртқы істер министрі Марат Тәжин 29-30 мамырда Душанбеде өтетін "ЕО үштігі - Орталық Азия елдері" форумына қатысады. Бұл туралы журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті.
"Душанбеде 29-30 мамырда "ЕО үштігі - Орталық Азия елдері" форматында сыртқы істер министрлерінің кездесуі өтеді, оған Қазақстанның сыртқы істер министрі Марат Тәжин қатысады", - деді Е. Ашықбаев.
Оның айтуынша, форумда Орталық Азия елдері және Еуропалық Одақ форматындағы ағымдағы ықпалдастық мәселелерін, Еуропалық Одақтың Орталық Азиядағы 2013 жылға дейінгі өңірлік стратегиясын бірлесе жүзеге асыру, өңірлік ынтымақтастық, соның ішінде экономикалық дағдарыстың экономикаға, саудаға, инвестициялар мен көші-қонға әсері, сондай-ақ, өңірлік қауіпсіздікке қатысты бірқатар мәселелерді талқылау жоспарлануда.
Бұған қоса форум аясында Қазақстанның сыртқы істер министрі бірқатар екіжақты кездесулер өткізеді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.