Душанбеде Орталық Азия, Иран және Ауғанстан елдері қазақтарының кіші құрылтайы өтеді
Душанбеде Орталық Азия, Иран және Ауғанстан елдері қазақтарының кіші құрылтайы өтеді
Астана. 20 сәуір. "Қазақстан Бүгін" - Душанбеде 20-22 сәуірде Қазақстан елшілігімен Тәжікстандағы қазақтардың "Бәйтерек" атты қоғамдық ұйымының бірлесе ұйымдастыруымен Орталық Азия, Иран және Ауғанстан елдері қазақтарының кіші құрылтайы өтеді. Бұл туралы бүгін Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды "Қазақстан Бүгін" агенттігінің тілшісі.
І.Омаровтың айтуынша, Орталық Азияда бірінші рет өткелі отырған бұл құрылтайға Ауғанстан, Иран, Қырғызстан, Тәжікстан, Түрікменстан және Өзбекстандағы қазақ диаспоралары өкілдері қатысады деп күтілуде. Қазақстан тарапынан Дүниежүзі қазақтары қауымдастығы төрағасының орынбасары Талғат Мамашев бастаған делегация қатыспақ.
Құрылтай барысында, "Бәйтерек" қоғамдық ұйымының жұмыстарымен таныстыру шаралары, дөңгелек үстел және концерттік бағдарламалар ұйымдастырылмақ.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.