Душанбеде ТМД қорғаныс министрлері кеңесінің жанындағы әуеден қорғаныс мәселелері жөніндегі комитеттің отырысы өтеді
Душанбеде ТМД қорғаныс министрлері кеңесінің жанындағы әуеден қорғаныс мәселелері жөніндегі комитеттің отырысы өтеді
Алматы. 11 тамыз. "Қазақстан Бүгін" - Душанбеде 12-13 тамызда ТМД қорғаныс министрлері кеңесінің жанындағы әуеден қорғаныс мәселелері жөніндегі үйлестіру комитетінің отырысы өтеді, деп хабарлайды агенттік тілшісі ТМД Атқару комитетіне сілтеме жасап.
Отырысқа қатысушылар бірінші күні комитеттің биылғы жылдың бірінші жартысындағы қызметін қорытындылап, ТМД елдерінің біріккен әуеден қорғаныс жүйесінің 2009 жылға арналған бірлескен шараларының жоспарын талқылайды. Сондай-ақ, өңірлік командалық пункт туралы ережелер, ТМД елдерінің біріккен әуеден қорғаныс жүйесінің құрылымы, әскерлер тобының жауынгерлік құрамы және басқа да мәселелер талқыланады. Екінші күні үйлестіру комитетінің мүшелері оқу-әдістемелік жиынға қатысады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.