Душанбеде ТМД мүше мемлекеттер басшылары Кеңесінің отырысы өтеді - Сыртқы істер министрлігінің өкілі
Душанбеде ТМД мүше мемлекеттер басшылары Кеңесінің отырысы өтеді - Сыртқы істер министрлігінің өкілі
Астана. 2-қазан. "Қазақстан Бүгін" - Душанбеде 4 - 5 қазанда ТМД мүше мемлекеттер басшылары Кеңесінің отырысы өтеді. Бұл туралы бүгін Астанада өткен брифингте Қазақстан Республикасының Сыртқы істер министрлігінің ресми өкілі Ержан Ашықбаев мәлім етті, деп хабарлайды "Қазақстан Бүгін" агенттігінің тілшісі.
Дипломаттың ақпараттарына сүйенсек, Душанбеде сондай-ақ ТМД мүше мемлекеттердің сыртқы істер министрлері Кеңесінің отырысы да өтеді.
"Отырыстың күн тәртібі ТМД реформалауға, Достастыққа мүше мемлекеттердің көші-қон саясатындағы өзара ықпалдастыққа, әскери ынтымақтастық саласы мен қылмыспен күрес, сондай-ақ білім және ғылым саласына қатысты көптеген мәселелерді қамтиды",- деп атап өтті ол.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.