АСТАНА. 8-мамыр. Kazakhstan Today. Египет Араб Республикасының сауда және индустрия министрі Рашид Мохамед Қазақстан мен өз елі арасындағы тауар айналымын 1 млрд долларға дейін жеткізуге мүмкіндік бар деп санайды. Бұл туралы пікірін ол бүгін ҚР парламенті сенатының төрағасы Қасымжомарт Тоқаевпен кездесуде ортаға салды, деп хабарлайды Kazakhstan Today тілшісі снеаттың баспасөз қызметіне сілтеме жасап.
Египет Араб Республикасының Сауда және индустрия министрі Рашид Мохамед Рашид Қазақстанның атқарушы органдар басшыларымен кездесулерге қол жеткен уағдаластықтар жөнінде хабардар етті. Соңғы жылдары екі елдің тауар айналымын жыл сайын 1 миллиард долларға дейін көтеру көзделіп отыр. Сондай-ақ Қазақстан 1 миллион 300 мың тонна астықты Египетке экспортқа шығарып келеді. Екі елдің іскер топтары мемлекеттер арасындағы сауда айналымы мен инвестицияларды ұлғайтуды қалайды. Мейман сондай-ақ қарым-қатынастарды тереңдету туралы бастамалардың, әсіресе қазақстандық кәсіпкерлердің Александрия қаласында астық терминалы құрылысын салу туралы жобаның маңыздылығына назар аударды. Қазақстан нарығындағы құрылыс, тоқыма салаларының өнімдері және дәрі-дәрмек жеткізу және оларды өндіруге бағытталған жобалар бойынша жұмыс істеп келе жатқан египеттің компаниялардың келешегі зор екені айқындалып отыр. Мейман қазақстандық кәсіпкерлердің сауда-экономикалық және инвестициялық әріптестікті кеңейту жөніндегі ниеттеріне Египет жағы қолдау білдіретінін атап өтті.
Кездесу барысында Қазақстан Республикасы мен Египет Араб Республикасы арасындағы ынтымақтастықты одан әрі тереңдету мәселелері талқыланды. Қ.Тоқаев екі елдің қарым-қатынастарының сауда-экономикалық, мәдени-гуманитарлық және ғылыми-техникалық салаларда келешегі зор екенін атап өтті. Қазақстан президенті Н.Назарбаевтың биылғы Египетте болған сапарында өзара тиімді байланыстарды дамыту жөніндегі белгіленген міндеттер екі жақты қарым-қатынастарға серпін беріп отыр. Екі елдің арасындағы экономика және ғылыми-техникалық байланыстар жөніндегі үкіметаралық комиссия қарқынды жұмыс істеп келеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Египет Араб Республикасының сауда және индустрия министрі Қазақстан мен өз елі арасындағы тауар айналымын 1 млрд долларға дейін жеткізуге мүмкіндік бар деп санайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.