БРЮССЕЛЬ. 4-желтоқсан. Kazakhstan Today. ЕҚЫҰ Парламенттік ассамблеясы Қазақстанның 2009-жылы ұйымға төрағалық жасау жөніндегі сұранымын қолдайды. Бұл туралы ЕҚЫҰ Парламенттік ассамблеясының төрағасы Гёран Леннмаркер Брюссельде Еуропадағы қауіпсіздік және ынтымақтастық ұйымына мүше-елдердің сыртқы істер министрлерінің жыл сайынғы 14-отырысын ашып сөйлеген сөзінде мәлімдеді, деп хабарлайды Kazakhstan Today агенттігі.
"Мен Қазақстанның Еуропадағы қауіпсіздік және ынтымақтастық жөніндегі ұйымына төраға болуын толық қолдаймын",- деп мәлімдеді Г.Леннмаркер.
Г.Леннмаркердің айтуынша, "ЕҚЫҰ жуырда ғана жыл сайынғы 17-ші Парламенттік ассамблеяны 2008-жылы Алматыда өткізуді бір дауыстан қолдады".
"Парламенттік ассамблея жыл сайынғы сессияны Қазақстанда өткізу Орталық Азия елдерін ЕҚЫҰ іс-қызметіне толыққанды тартуға көмектеседі деп пайымдайды",- делінген баспасөз баянында.
Осы орайда еске сала кетсек, Еуропадағы қауіпсіздік және ынтымақтастық ұйымына мүше-елдердің сыртқы істер министрлерінің жыл сайынғы 14-отырысы бүгін Брюссельде басталды. 68 ел мен халықаралық ұйымдардың өкілдері екі күн бойы дау-дамайларды реттеу, адам құқығын қорғау, құл саудасы, сайлауларды әділ өткізу, ЕҚЫҰ іс-қызметінің басымдықтары сынды өзекті проблемаларды талқылайды.
Бас қосуға Қазақстаннан СІМ Қасымжомарт Тоқаев, СІМ-нің бірінші орынбасары Рахат Илиев, Қазақстанның ЕҚЫҰ-дағы тұрақты өкілі Дулат Қуанышев, Қазақстанның Бельгия Корольдігіндегі елшісі Константин Жигалов қатысуда. Ресми өкілдер құрамында барлығы 17 адам бар.
Бұдан бұрын да хабарлағанымыздай, Еуропадағы қауіпсіздік және ынтымақтастық ұйымына мүше-елдердің сыртқы істер министрлерінің жыл сайынғы 14-отырысында Қазақстанның 2009-жылы ұйымға төрағалық жасау туралы өтініші талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ЕҚЫҰ Парламенттік ассамблеясы Қазақстанның 2009-жылы ұйымға төрағалық жасауға деген талпынысын қолдайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.