ЕҚЫҰ шекара өткелдерінде сыбайлас жемқорлықтың тамырына балта шабу саласындағы заңнамалық актілердің жобасын жасауда
ЕҚЫҰ шекара өткелдерінде сыбайлас жемқорлықтың тамырына балта шабу саласындағы заңнамалық актілердің жобасын жасауда
Астана. 12 қазан. Kazakhstan Today - ЕҚЫҰ шекара өткелдерінде сыбайлас жемқорлықтың тамырына балта шабу саласындағы заңнамалық актілердің жобасын жасауда. Бұл туралы бүгін Астанада Еуропадағы қауіпсіздік және ынтымақтастық ұйымының 18-ші экономикалық-экологиялық форумының дайындық конференциясында ЕҚЫҰ-ның экономикалық және экологиялық қызметін үлестіруші Горан Свиланович мәлімдеді, деп хабарлайды Kazakhstan Today.
Г. Свилановичтың айтуынша, "қауіпсіздік саласында жұмыс істейтін ұйым ретінде ЕҚЫҰ бұл жобаларға өз үлесін қосады, бұған тек Қазақстан ұйымға төрағалық ететін бір жыл ғана емес, бірнеше жыл сарп етілмек".
"Сыбайлас жемқорлық - барлық ЕҚЫҰ елдеріндегі үлкен проблема. Бір елде жемқорлық көп, енді бір елдерде ол аз, бірақ сандардың өзі осы елдерде болып жатқан оқиғаны ашық көрсетіп отыр. Егер әрбір мемлекет бұл мәселені шешуге мейлінше күш жұмсайтын болса, жағдай өзгеше болар еді", - деді Г. Свиланович.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.