ЕҚЫҰ-ын саяси диалог және демократияның негізгі құндылықтарын алға жылжыту құралы ретінде пайдаланған дұрыс - Леннмаркер
ЕҚЫҰ-ын саяси диалог және демократияның негізгі құндылықтарын алға жылжыту құралы ретінде пайдаланған дұрыс - Леннмаркер
Астана. 30 маусым. "Қазақстан Бүгін" - Еуропадағы қауіпсіздік және ынтымақтастық ұйымын саяси диалог және демократияның негізгі құндылықтарын алға жылжыту құралы ретінде пайдаланған дұрыс. Бұл туралы ЕҚЫҰ Парламенттік ассамблеясының 17-сессиясының ашылуында оның төрағасы Йоран Леннмаркер мәлімдеді, деп хабарлайды "Қазақстан Бүгін" агенттігінің тілшісі.
"Қазіргі уақытта ЕҚЫҰ өңірі көптеген қатерлердің алдында тұр. Біз ұйымымызды саяси диалог және демократияның негізгі құндылықтарын алға жылжыту, адам құқықтарын қорғау мен заңның ұлықтылығының құралы ретінде пайдалануымыз керек. Осы басты құндылықтар біздің кез келген әрекеттеріміздің негізі болуға тиісті және біз оны күнделікті саяси өмірімізде, ұлттық және халықаралық дәрежелерде бұдан да айқын көрсетуіміз керек", - деді Й. Леннмаркер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.