Елбасы АҚШ үкіметінің мүшелерімен бірқатар екіжақты кездесулер өткізді
Қазақстан президенті "Блэр Хаус" резиденциясында АҚШ-тың сауда министрі К.Гутиерреспен, АҚШ-тың энергетика министрі С.Бодманмен, (ОББ) ЦРУ директоры М.Хайденмен кездесті.
- Бұл менің Қазақстан президентімен екінші рет кездесуім. Ир кездесу сайын экономикасы мен Ішкі жалпы өнімі артып отырған Қазақстанның қол жеткізген табыстары тәнті етеді. Мені энергияның қазіргідей қымбат болып тұрған кездегі экономиканы әртараптандыру стратегиясы таңқалдырды. Бұл өте дұрыс стратегиялық ойлаудың нәтижесі. Біз сондай-ақ Қазақстанның Дүниежүзілік сауда ұйымына кіру мәселелерін талқыладық. Мен біздің экономикалық әріптестігімізге аса қанағаттанарлық сезімімді білдірдім, - деді АҚШ сауда министрі К.Гутиеррес кездесуден кейін.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.