АСТАНА. 25-қыркүйек. Kazakhstan Today. Бүгін Елбасы Нұрсұлтан Назарбаев АҚШ-қа сапары алдында жұмыс сапарымен Испанияға барады, деп хабарлайды Kazakhstan Today тілшісі ресми БАҚ-тарға сілтеме жасап.
Сапар барысында мемлекет басшысы Испания Королі Хуан Карлос I-мен кездеседі деп күтілуде.
Ал қыркүйектің 26-сы күні Қазақстан президенті ресми сапармен Америка Құрама Штаттарына барады. Америкаға сапары аясында Елбасы АҚШ-тың бұрынғы президенті Джордж Бушпен, АҚШ Конгресінің мүшелерімен, сондай-ақ басқа да лауазымды тұлғалармен бірқатар жоғары деңгейдегі кездесулер өткізеді деп күтілуде. Ал 29-қыркүйекте Н. Назарбаев АҚШ президенті Джордж Бушпен екі жақты кездесу өткізіп, американдық бұқаралық ақпарат құралдарына сұхбаттар береді деп жоспарланған.
Дж.Буш пен Н. Назарбаев демократияны алға жылжыту, лаңкестікпен күрес, энергетика, бостандық пен қауіпсіздікті кеңейту мәселелерін талқыламақ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Елбасы АҚШ-қа сапары алдында Испанияға барады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.