Елбасы Қытайдың Тяньцзинь қаласына келді
Елбасы Қытайдың Тяньцзинь қаласына келді, деп хабарлайды Kazakhstan Today агенттігінің тілшісі.
Астана. 23 - ақпан. Kazakhstan Today - Елбасы Қытайдың Тяньцзинь қаласына келді, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Қазақстан Президенті Нұрсұлтан Назарбаев ҚХР-ға жасаған мемлекеттік сапарының үшінші күнінде аса жоғары жылдамдықпен жүретін пойызбен Тяньцзинь қаласына келген.
Қытай астанасы мен Тяньцзинь қаласының арасындағы қашықтық 120 шақырым, екі қаланы жылдамдығы жоғары темір жол жалғастырып тұр. Аса жоғары жылдамдықтағы теміржол 2008 жылдың тамызында пайдалануға берілген болатын және Қытайдағы сағатына 350 шақырым жылдамдықпен жүретін аса жоғары жылдамдықтағы алғашқы желі болып табылады. Бұл теміржол жолаушылар пойызына Бейжіңнен Тяньцзинь қаласына дейін бар-жоғы 30 минут ішінде жетуге мүмкіндік береді.
Мемлекет басшысы Нұрсұлтан Назарбаев Қытай іскерлік тобының өкілдерімен кеше өткен кездесуі барысында: "Менің сапарымның нәтижесі және ең басты жетістігі екі мәселенің, атап айтқанда ядролық энергетикадағы ынтымақтастық пен Астана мен Алматы арасындағы ұзындығы 1000 шақырымға жуық жылдамдығы жоғары темір жол құрылысының басталуы болады", - деп айтып өткен еді.
Қазақстан темір жолының басшысы Асқар Мәминнің Бейжіңдегі Астана-Алматы жоғары жылдамдықтағы теміржол жобасының таныстырылымы барысында айтып өткеніндей, аталмыш жобада инновациялық және жоғары технологияларды пайдалану қазақстандық магистралдың құрылысын 4 жыл ішінде аяқтауға мүмкіндік туғызады. Еліміздің екі бас қаласындағы ара қашықтықты 4 сағат ішінде жүріп өтуге мүмкіндік пайда болады.
Сапар бағдарламасына сәйкес Қазақстанның Елбасы Тяньцзинь қаласы дамуының Бас жоспарын қарап шығады, одан кейін Мемлекет басшысы арнайы рейспен әуежайдан Астанаға ұшады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.