19-наурыз. АСТАНА. Kazakhstan Today. Парламент мәжілісінің төрағасы Орал Мұхамеджанов басқарған парламенттік өкілдер 18-22 наурыз аралығында Ұлыбританияда сапармен болады.
Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Елшінің хабарлауынша, "Лондонға сапары барысында өкілдер Ұлыбритания парламентінің қос палатасының басшылығымен келіссөздер жүргізіп, Ұлыбританиялық заң шығарушылармен парламентаралық байланыстарды нығайту, Қазақстанның 2009-жылы Еуропадағы қауіпсіздік және ынтымақтастық жөніндегі ұйымына төраға болу жөніндегі өтінішіне қатысты "дөңгелек үстел" форматындағы кездесу-пікірталастар өткізеді".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті