АСТАНА. 20-қыркүйек. Kazakhstan Today. Елімізде облыстық маңызы бар қалалар мен аудан әкімдігінен үміткер 144 адамның аты ұсынылды. Бұл туралы бүгін Астанада өткен қысқаша баспасөз мәслихатында Орталық сайлау комиссиясы төрағасының орынбасары Владимир Фоос құлағдар етті,0 деп хабарлайды Kazakhstan Today тілшісі.
"Кеше 19-қыркүйекте үміткерлердің атын ұсыну кезеңі аяқталды. Икімдіктен үміткер ретінде барлығы 148 адамның аты ұсынылды. Олардың төртеуі өз кандидатураларын кері қайтарып алды. Қазір сонымен 144 үміткердің аты белгілі",- деді В.Фоос.
Оның айтуынша, үміткерлер арасынан 27 адам тіркеуден өткен.
Барлық үміткерлердің жоғары білімі бар, орташа жасы - 48. Ең егдесі 60 жаста болса, ең жасы - 30-да. Бес үміткер - әйел. Үміткерлердің арасында мемлекеттік қызметкерлер, мемлекеттік кәсіпорындардың қызметкерлері, коммерцичлық құрылымдардың өкілдері бар.
Орта есеппен алғанда, бәсекелестік деңгейі бір орынға 2,4 адамнан келеді. 30 аудан мен 7 қалада бір орынға 2 адамнан келсе, 15 аудан мен 3 қалада 3 адамнан, үш ауданда 4 адамнан келеді. Бір ауданда 5 адам үміткер ретінде ат ұсынған.
Үміткерлерлі тіркеу 24-қыркүйекке дейін созылады. Сайлау 20-қазанда өтеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Елімізде облыстық маңызы бар қалалар мен аудан әкімдігінен үміткер 144 адамның аты ұсынылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.