Елімізге сапармен келген Сирия Араб Республикасының сыртқы істер министрі қазақстандық әріптесімен кездесті
Елімізге сапармен келген Сирия Араб Республикасының сыртқы істер министрі қазақстандық әріптесімен кездесті.
Астана. 17 қыркүйек. "Қазақстан Бүгін". Бүгін Сирия Араб Республикасының сыртқы істер министрі Уалид әл-Муалимнің Қазақстанға сапары еліміздің Сыртқы істер министрі Марат Тәжинмен кездесуден басталды. Келіссөздер барысында екі жақты ынтымақтастықты, мәдени-гуманитарлық байланыстар мен саяси диалогты күшейту мәселелері талқыланды. Үкімет мүшелерімен жоспарланған кездесулер барысында қазақстан-сирия сауда-экономикалық, инвестициялық ынтымақтастықтың мүмкіндіктері талқыланатын болады.
Қазақстан араб және мұсылман әлемінің маңызды елдерінің бірі ретінде Сириямен жан-жақты қарым-қатынастарды дамытуға баса мән береді. Екі ел үшін ынтымақтастықтың маңызды тұстары ретінде мұнайхимиясы мен металлургия, ауыл шаруашылығы, жеңіл өнеркәсіп салаларын айтуға болады.
Мәдени-гуманитарлық байланыстар саласында Дамаскіде жерленген Ил-Фараби мен Бейбарыс сұлтан секілді тарихи тұлғалар айрықша орында. Қазақстан Сирия астанасындағы Ил-Фараби тарихи-мәдени кешенінің құрылысы мен Сұлтан Бейбарыс мазарын қалпына келтіру ісін қаржыландыру жөнінде шешім қабылдаған болатын.
Бұдан бұрын да хабарлағанымыздай, Уалид әл-Муаллим мырзаның бұл сапары мен оның барысындағы келіссөздер Қазақстан президенті Н.Назарбаевтың осы күзде жоспарланып отырған Сирияға ресми сапарының дайындығы болып табылады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.