ЕО арнаулы өкілі мен Тәжікстан СІМ ынтымақтастық мәселелерін талқылады
ЕО арнаулы өкілі мен Тәжікстан СІМ ынтымақтастық мәселелерін талқылады
Душанбе. 15 шілде. "Қазақстан Бүгін" - Еуропалық Одақтың Орталық Азиядағы арнаулы өкілі Пьер Морель мен Тәжікстан СІМ Хамрохон Зарифи кеше Тәжікстан мен ЕО арасындағы ынтымақтастық мәселелерін, сондай-ақ, ел мен өңірдегі әлеуметтік-экономикалық және су-энергетикалық даму проблемаларын талқылады, деп хабарлайды агенттік тілшісі "Азия-Плюс" ақпараттық агенттігіне сілтеме жасап.
Тәжікстан СІМ ақпарат департаментінің бастығы Давлат Назриевтің айтуынша, сұхбат барысында Еуропалық Одақтың Орталық Азиядағы стратегиясының орындалуына баса назар аударылды, онда өңірдегі қауіпсіздік мәселесіне басымдық берілген.
Тараптардың пікірінше, бұл істе Орталық Азия мен Еуропалық Одаққа мүше елдердің сыртқы істер министрлерінің қатысуымен 2008 жылдың 18-19 қыркүйегінде Парижде өтетін алдағы форумның маңызы зор болмақ.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.