Ертең Павлодарда Қазақстан Республикасы мен Ресей Федерациясының өңіраралық ықпалдастығының ІХ форумы өтеді
Бүгін Павлодарда Қазақстан Республикасы мен Ресей Федерациясының өңіраралық ықпалдастығының ІХ форумы аясында бизнес-форум ашылады.
Павлодар. 18-қыркүйек. Kazakhstan Today - Ертең Павлодарда Қазақстан Республикасы мен Ресей Федерациясының өңіраралық ықпалдастығының ІХ форумы өтеді, деп хабарлайды Kazakhstan Today агенттігінің тілшісі.
Бүгін Павлодарда Қазақстан Республикасы мен Ресей Федерациясының өңіраралық ықпалдастығының ІХ форумы аясында бизнес-форум ашылады.
Оның жұмысына 450-ден астам делегат қатысады. Олар - қазақстандық және ресейлік ірі бизнес-құрылымдардың басшылары, министрліктер мен ведомстволардың, облыстар мен қалалардың, халықаралық даму институттарының басшылары, сарапшылар мен талдаушылар.
Конференция барысында Қазақстан мен Ресейде басымдықты салаларды дамыту, ортақ қаржы нарығын қалыптастыру, инновацияны дамытуға бірлескен қадамдар жасау мәселелері талқыланатын секциялар жұмыс істейтін болады.
Бизнес-форумның ұйымдастырушысы - ҚР Индустрия және жаңа технологиялар министрлігінің қолдауымен Қазақстан Даму банкі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.