ЕурАзЭҚ елдерінің ғалымдары қазіргі проблемаларды шешудегі ынтымақтастықтың қарқынын арттырулары керек
ЕурАзЭҚ елдерінің ғалымдары қазіргі проблемаларды шешудегі ынтымақтастықтың қарқынын арттырулары керек
Астана. 26 маусым. "Қазақстан Бүгін" - Еуразиялық экономикалық қоғамдастығы елдерінің ғалымдары қазіргі проблемаларды шешудегі ынтымақтастықтың қарқынын арттырулары керек. Бұл туралы бүгін ғалымдардың Еуразиялық экономикалық клубының құрылтай жиналысы барысында ЕурАзЭҚ Интеграциялық комитетінің бас хатшысы Тайыр Мансұров мәлімдеді, деп хабарлайды "Қазақстан Бүгін" агенттігінің тілшісі.
Оның айтуынша, ЕурАзЭҚ елдері нақты сектордағы инновациялық технологияларды жоғары қарқынмен дамыту қажет. Сондай-ақ, өзара ынтымақтастықтың перспективалы және болашағынан үміт күттіретін бағыттарының бірі ретінде Қоғамдастық елдерінің көлік саласын дамыту бойынша негізделген ұсыныстарды жасап шығаруға ықпал ету керек. "Ғалымдардың міндеті - құрлықтар арасындағы транзиттік көлік дәліздерін дамытуға ұсыныс білдіру және оған ықпал ету, Еуразия кеңістігінің транзиттік әлеуетін арттыру болып табылады", - деп атап көрсетті ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.