ЕурАзЭҚ Интеграциялық комитетінің мүшелері Мәскеу қаласында Кедендік одақты қалыптастыру мәселелерін талқылайды
ЕурАзЭҚ Интеграциялық комитетінің мүшелері Мәскеу қаласында Кедендік одақты қалыптастыру мәселелерін талқылайды
Астана. 16 маусым. "Қазақстан Бүгін" - Мәскеу қаласында 20 маусымда ЕурАзЭҚ шеңберінде Кедендік одақты қалыптастыру мәселесі жөнінде Беларусь Республикасының, Қазақстан Республикасының және Ресей Федерациясының ЕурАзЭҚ Интеграциялық комитетіне мүше өкілдерінің кезекті кеңесі өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Ресми өкілдің хабарлауынша, кеңес барысында тараптар 2007 жылғы 6 қазанда Душанбе қаласында мемлекет басшылары бекіткен ЕурАзЭҚ шеңберінде Кедендік одақты қалыптастыру жөніндегі Іс-қимылдар жоспарын іске асыру бойынша 2008 жылға жоспарланған іс-шаралардың орындалу барысы туралы мәселені талқылайтын болады.
Қазақстан Республикасының делегациясын Индустрия және сауда министрі Владимир Школьник басқарады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.