МИНСК. 9-тамыз. Kazakhstan Today. ЕурАзЭҚ - нақты экономикалық одаққа айналды, онымен Батыс пен Шығыстағы әріптестер санаса бастады. Осы орайда оның іс-қызметінің басты бағыты толыққанды Кедендік одақты қалыптастыруға саяды. Бұл туралы Беларусь президенті Александр Лукашенко 8-тамызда Беларусь Республикасынан мемлекетаралық мекемелерге тағайындалған өкілдермен өткізген кеңесте мәлімдеді, деп хабарлайды Kazakhstan Today тілшісі Беларусь президентінің баспасөз қызметіне сілтеме жасап.
Қоғамдастыққа қатысушы елдердің ауқымды экономикалық, энергетикалық және адами әлеуеті келешекте ЕурАзЭҚ-ты халықаралық экономикалық және саяси процестерде қуатты ойыншыға айналдыра алады, деп пайымдайды Беларусь президенті.
Республиканың интегарциялық бірлестіктерге қатысу мәселесіне тоқталған А.Лукашенко өзі басқаратын елдің Еуразиялық интеграцияның дәйекті әрі белсенді қозғаушысы екенін атап өтті. Оның айтуынша, ЕурАзЭҚ пен Ұжымдық қауіпсіздік шарты ұйымының жуырда осы елде өткен саммиттерінің қорытындысы оның нақты бір дәлелі.
"Осы ұйымдардың басқаралар үшін тартымды әрі тиімді жұмыс істейтін интеграциялық орталықтар бола алу қабілетіне ие екенін уақыт көрсетеді",- деді Беларусь жетекшісі.
Оның пікірінше, Ұжымдық қауіпсіздік шарты ұйымы өзінің халықаралық қарым-қатынастардың дербес субъектісі екенін паш ете отырып, оған мүшелікке өткен елдердің қауіпсіздігін қамтамасыз етуге тиіс.
Беларусь президентінің пікірінше, Ұжымдық қауіпсіздік шарты ұйымының тиімділігі оған қатысушы елдердің біртұтас көзқарасты шұғыл дәйектей білу, келісілген әрекеттерге дайын болу қабілетіне тікелей байланысты. "Сол себепті біз Ұжымдық қауіпсіздік шарты ұйымындағы өз өкілдерімізден сыртқы саяси үйлестірушілік деңгейін одан әрі көтеру бағытында белсенді жұмыстарды күтеміз",- деді А.Лукашенко.
ЕурАзЭҚ іс-қызметінің басты бағыты - толыққанды Кедендік одақ қалыптастыру - Беларусь президенті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.