ЕурАзЭҚ мемлекетаралық кеңесінде бес жақты форматта 5 шарт қабылданды
ЕурАзЭҚ мемлекетаралық кеңесінде бес жақты форматта 5 шарт қабылданды
Астана. 15 желтоқсан. "Қазақстан Бүгін" - Мәскеу қаласында өткен ЕурАзЭҚ мемлекетаралық кеңесінің 22-ші мәжілісінде бес жақты форматта 5 шарт қабылданды. Онда Еуразиялық экономикалық қоғамдастықтың даму перспективалары мен ең өзекті мәселелеріне қатысты бірқатар құжаттар қаралды, деп хабарлайды агенттік тілшісі.
Атап айтқанда, үкіметтер басшылары Өзбекстан Республикасының Еуразиялық экономикалық қоғамдастықтағы мүшелігін тоқтату туралы, Қоғамдастық шеңберінде кедендік одақтың құқықтық базасын қалыптастыру туралы мәселелерін қарады.
Кедендік- тарифтік және техникалық реттеу, кедендік әкімшілік істерін жүргізу және басқа салаларда кедендік одақтың құқықтық базасын қалыптастыратын 14 халықаралық шартқа қол қойылды.
Сондай-ақ, әлеуметтік, валюта саясаты, ақпараттық қамтамасыз ету салаларында бес жақты форматта 5 шарт қабылданды.
Үкіметтер басшылары ЕурАзЭҚ мүше мемлекеттердің қаржы - экономикалық саясат жөніндегі Кеңес төрағасының "ЕурАзЭҚ мүше мемлекеттерде әлемдік қаржы дағдарысының салдарын еңсеру жөніндегі бірлескен іс-қимыл туралы" хабарламасын және ЕурАзЭҚ, Орталық-Азиялық аумақтағы су-энергетикалық ресурстарды тиімді пайдалану Тұжырымдамасы жобасы бойынша жүргізіліп жатқан жұмыстың барысы туралы және Ұйымның басқа да күнделікті мәселелері туралы хабарламаларды тыңдады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.